改善投資回報十大要訣

改善投資回報十大要訣 (曹仁超 03-01-2008)

(轉載自 黃金屋)

　　2008年如何改善你嘅投資回報？

1. 股市權威嘅說話可聽不可信，聽完佢地嘅說話後，記得返屋企做功課，唔好盲目相信。
2. Trading唔係投資。Trading同投資股票唔同，你並冇擁有該公司，只希望响價位上落中獲利，因此唔好將唔成功嘅trading變成投資，請嚴守止蝕。
3. 勝敗乃兵家常事，蝕本離場有何可恥？唔係每單trade都要賺錢離場。
4. 唔好望打和、唔好追落後，溝上唔溝落。Trading有虧損便應止蝕離場，然後重新再開始。
5. 世上冇必勝嘅投資，嚴守紀律者才可輸少贏多。
6. 唔好追隨群眾，佢地常常犯錯。人人都知嘅所謂好消息，本身已係壞消息（Too good to be true!）。
7. 唔好忽略警告訊號，唔好等沉船時才去搵救生艇。
8. 未離場前唔好計自己賺幾多。
9. 炒股票唔似打工，不應月月出糧，一年做兩、三單大deal已足夠。
10. EYF（享受你嘅失敗）。失敗係最好嘅老師。不如意事十常八九，十單買賣中八、九單蝕本亦唔奇，只要一兩單贏得十分大便可。Trading唔係周末度假團，而係漱口、洗面、擦牙，必須天天關注才做得好。最出色嘅trader已唔使睇圖表，而係靠本能反應，你已做到咩？

原文連結：http://www.hkheadline.com/blog/reply_blog_express.asp?f=IGHCKEJP8M22369&id=80816