民x聯最無恥之經典場面

FROＭ：http://www.facebook.com/notes/thomas-yu/x/173030649791

今日民x聯的舉動真係令我感到非常震驚，不得不寫返個 blog 記述這個經典場面。

話說全港公屋商戶總會(下稱總會)在過去幾個月籌備在今天舉行罷市3小時行動，反對領匯瘋狂加租，在籌備過程中，各黨各派都有派代表提供協助，但民x聯當日擁護領匯上市，總會自然不會與民x聯合作。

<真無恥之一>

直至昨晚, 民x聯的九龍東立法會議員無恥地聯絡總會，表示希望參加今天的行動，但由於他要趕飛機，所以希望總會提早開始記者招待會，」就一就佢」。總會回覆表示，他們一早已經對外公佈記者招待會的時間，所以不能改動，最終沒有作出遷就。

譁，大哥，你之前乜都無做過，當日仲要支持領匯上市，而家打個電話黎，就要人地就一就你，真係無得頂。

<真無恥之二>

罷市行動由 12 點開始，直至 3 點結束。今早大約11點幾，民x聯九龍東立法會議員連同部分區議員，走入去樂富邨街市，向商戶打招呼，並表示他們十分支持今次行動，呼籲大家踴躍參加罷市行動。結果不但有商戶指罵佢地，更有商戶試圖向他們潑水！最後他們只好提早離開街市。

譁，所有商戶的罷市海報都係我地做，之前開左好多個會去籌備今次行動，但民x聯當左自己是主辦單位，仲要同商戶示好，好似係佢地領導商戶罷市咁，好有型呀 ~~~ !!!

<真無恥之三>

罷市行動的記者招待會 1 點正式開始，突然之間民x聯九龍東立法會議員連同好多個區議員，拿著好多支民x聯大旗(選舉果d)，突然加入記者招待會行列。果位九龍東立法會議員，仲要叫總會主席俾佢講野，因為佢要早走。

譁，我真係 O 曬嘴，個 RUNDOWN完全無預佢地發言，無預佢地參與，新聞稿都冇佢地份, 但佢地竟然不請自來，仲要拎埋民x聯黨旗，幾咁威水呀！大佬，你地係咪搞錯左呀，呢度唔係「慶祝領匯上市造勢大會」 喎！

今次場面認真經典，真不愧是當今世上最無恥的政黨。

民x聯騎劫前

民x聯騎劫後